ब्रेकिंग

तुळशीबाग गणेशोत्सव मंडळातर्फे महिलांची दुचाकी फेरी

Wrutuja pandharpure
08 Jun 2025

पुणे : छत्रपती शिवाजी महाराज की जय... जय भवानी, जय शिवाजी... च्या जयघोषात श्री तुळशीबाग गणपती मंडळाच्या महिला कार्यकर्त्यांनी दुचाकी फेरी काढली. पारंपरिक वेशात महिला यामध्ये सहभागी झाल्या होत्या. त्यानंतर श्री तुळशीबाग गणेश मंदिरासमोर स्वराज्य गुढी उभारण्यात आली.

मानाचा चौथा महागणपती श्री तुळशीबाग सार्वजनिक गणेशोत्सव मंडळ च्या वतीने शिवराज्याभिषेक दिनानिमित्त महिलांची दुचाकी फेरी आणि महिलांच्या हस्ते स्वराज्यगुढी उभारणी कार्यक्रमाचे आयोजन करण्यात आले होते. यावेळी मंडळाचे अध्यक्ष विकास पवार, कोषाध्यक्ष नितीन पंडित, उपाध्यक्ष विनायक कदम, अभिनेत्री अनिता दाते-केळकर, महिला विश्वस्त अभिनेत्री वाळके, स्वप्नाली पंडित, सुनंदा इथे आणि मंडळाच्या महिला सभासद उपस्थित होत्या. श्री तुळशीबाग गणेश मंदिरापासून सुरू झालेली फेरी गणपती चौक लक्ष्मी रोडने डेक्कन येथील छत्रपती संभाजी महाराजांच्या पुतळ्यास पुष्पहार अर्पण करण्यात आला. एसएसपीएमएस येथील शिवरायांच्या पूर्णाकृती पुतळ्यास महिलांनी अभिवादन केले. त्यानंतर छत्रपती शिवाजी महाराज रस्त्याने लाल महालातील राजमाता जिजाऊ आणि बाल शिवाजी यांना पुष्पहार अर्पण करण्यात आला.